Мен, Жақсылыков Руслан Еркімбекұлы, 1989 жылы 6 маусымда Шығыс Қазақстан облысы, Самар ауданы, Самар ауылында дүниеге келдім. Балалық шағым осы ауылда өтті, мектеп қабырғасында білімге деген қызығушылығым артып, әсіресе, математика пәніне ерекше көңіл бөлдім.

2007 жылы орта мектепті тәмамдап, Шығыс Қазақстан мемлекеттік университетіне (С.Аманжолов атындағы ВКГУ) оқуға түстім. 2011 жылы "Математика" мамандығы бойынша бакалавр дәрежесін алдым. Алайда білімімді әрі қарай жетілдіру мақсатында Шығыс Қазақстан мемлекеттік техникалық университетіне (Д.Серікбаев атындағы ВКГТУ) оқуға түсіп, 2014 жылы "Экономика" мамандығы бойынша тағы бір жоғары білім алдым.

Еңбек жолымды 2011 жылы туған жерімдегі Самар ауданы, Қазнаковка ауылында математика пәнінің мұғалімі болып бастадым. Бір жылдық еңбек жолынан кейін, 2012 жылы Қазақстан Республикасының Қарулы Күштері қатарына шақырылып, 68665 әскери бөлімінде, аэромобильді әскер қатарында Отан алдындағы борышымды өтедім. Әскер маған тәртіптілік, жауапкершілік және табандылық сияқты қасиеттерді бойыма сіңірді.

2013 жылы азаматтық өмірге қайта оралып, Глубокое ауданы, Малоубинка орта мектебінде математика пәнінің мұғалімі болып қызмет еттім. Он жыл бойы осы мектепте шәкірт тәрбиелеп, жас ұрпақтың білім алуына өз үлесімді қостым. Әр оқушының бойынан қабілетін байқап, оларға бағыт-бағдар беру мен үшін үлкен мәртебе болды.

Ұстаздық жолымда жинаған тәжірибемнің арқасында 2023 жылы Малоубинка орта мектебінің директоры болып тағайындалдым. Бұл мен үшін үлкен жауапкершілік пен жаңа белес болды. Қазіргі уақытта мектепті дамыту, білім беру сапасын арттыру және оқушыларға сапалы білім мен тәрбие беру жолында еңбек етіп келемін.

Менің өмірлік ұстанымым – білім мен еңбектің арқасында жетістікке жету. Әрбір шәкірттің жарқын болашағы үшін аянбай қызмет ету – менің басты мақсатым.